Transcription
1
Monsieur, je revintz vendredy dernier de voir monseigneur
2
le duc de Nemours et ay trové céans hune lettre quil vous at pleu
3
mescripre du cinqme du présent et veu vous novelles, don je vous
4
remercie bien humblement. Canpt à celles que jay aprises, jay veu
5
hung double de lettre escript d’Anvers, laquelle nest fet manssions
6
nulle que les gueux soientz fors en camppaignie, mais bien disent que
7
le duc d’Albe est prest avec dix à douze mille hommes de pié et
8
trois à quatre mille chevaux pour asieger Montz et que y ly
9
avoit quatre mille hommes de pié et cinq ou six sens chevaux
10
prest dudit lieu de Montz et que ledit duc d’Albe esperoit
11
mestre pour tout ce mois aien les Alemantz trente mille
12
hommes de pié et huit à neuf mille chevaux an canpaigne
13
et que tou le païs estoit en efroit et qu’il experoien
14
la venue du duc de Medinacelly, lequel on estime benin
15
et poullétique, apèseroit beaucou et mesmes les villes qui
16
on pour encaure refusé les hungs et les aultres et qu’ils
17
espiroien bonne yseue pour lurs roy et que de la par desdits
18
gueux, on navoit encaures aucunes novelles qu’il ce fit
19
levée pour eux en Alemaigne et que toutesfois la prise qu’ilz
20
on fecte de vintedeux veseaus venant du Pourteungal et
21
depuis deux de surre, ne puisse estre cause quilz pourron
22
avoir decoit fère levée de gens en Alemaigne ; et nome
23
deux villes en Sellande et deux en Olande et hune en Gueldres
24
et trois aultres, don Mons en est hune, toutes de consequensse,
25
que lesditz gueux tienne. Jay veu hune aultre novelle que le
26
roy estant en son consey pour prandre avix de la guerre ou
27
demeuré en pais, que la royne sa mère et messieux ses
28
[v°] frères et les jehans de roube longue on hoppiné pour la
29
pais, et que sa magesté apris touttes les hoppignons sans
30
dire la sienne ; et que sus cella, il est party pour aller à la
31
forès de Lions pour la chasse, et quil doit trové le roy de
32
Navarre à Guallion en allant ou à son retour ; et que les
33
nosses se doyvent fère dans ce mois sans grand bruit et
34
quil faut que la royne soit à Fonteneblau pour la my aoust
35
pour raison de sa groisse. Pour ceste cause, ilz aseurent les
36
nosses pour tou ce mois ; et dit daventage que depuis le partement
37
du roy, que monsieur lamyral a testé veu parler à la royne
38
mère plus de cin ou six hures en hune fois et feut à Meudon
39
et que à la cour et à Paris se disent touttes novelles inserteynes
40
que chacung les dit cellon leurs afection ; et que combien quilz
41
soien asés près de Flandres, que touttes fois on ne oyt dire
42
rien de sertain. Canpt à monseigneur de Nemours, il na
43
poin esté an dangier don le bruit a couru et fet bonne
44
chère, Dieu grace. Il at hu beaucou de doulleur de la mort
45
de madamoysselle sa fillie, mais madame sa fame est preste
46
à luy en fère bien tou hune aultre pour les consoller. Je
47
croit que sa couche latirra en France. Je vous diray
48
encaure ceste, conbien que je croit que la savez, que le Gua
49[barré : 3 mots ] ha hu parolles avec monsieur de Merul et
50
On mys la mein à lepée en la presensse de Monsieur,
51
Où estoit present lamyral d’Angleterre, et tous les Anglois,
52
Monsieur, favorisant audit Du Gua. Sur ce, je me recommande
53
très humblement à votre bonne grace, prien Dieu vous donner
54
Monsieur, très bonne vye et longue. An votre maison de Lestang
55
le XVme de julliet
56
votre très humble serviteur
57
Lestang